वारकऱ्यांची मोफत केशकर्तन ,दाढी फुट मसाज आणि हेड मसाज सेवा

पुणे :  संत गाडगे महारांजाच्या उक्तीप्रमाणे देव दगडात नसून देव कायमस्वरूपी माणसात असतो. म्हणूनच एस व्ही हेअर स्टुडिओ अकॅडमीचे संचालक  विजय वाघमारे आणि  शिल्पा जयमनी यांनी आपल्या विद्यार्थ्यांसमवेत आपण या समाजाचे देणं लागतो या प्रांजळ भावनेतून माणुसकी धर्म निभावत देहू येथून निघणाऱ्या संतश्रेष्ठ जगद्गुरू तुकोबारांच्या पालखीतील वारकरी भक्तांची सेवा केस कापून ,दाढी करून ,त्यांच्या मालिश करून सेवा अर्पण केली आहे.
वास्तविक पाहता या आजच्या आर्थिक स्पर्धेच्या धावपळीच्या युगात आपण समाजाचे देणं लागतो या भावनेतून बॅक टू सोसायटी म्हणून अशी निस्वार्थ भावनेनं काम करणारी लोकं कमी असतात .केलेल्या कामाचा गवगवा न करता आपल्या विधायक मार्गाची पायवाट महामार्गाच्या दिशेने आपसूक जात असते पर्यायाने प्रेमाने जग जिंकता येते याची प्रचिती साक्षात या आळंदीच्या ज्ञानेश्वराच्या दिंडीतील माऊलींच्या सेवेतून परमार्थ घडून महत्तभाग्य प्राप्त होत असते. याची देही याची डोळा हे सुख, त्याग, सेवा, समर्पण , ही चतुसूत्री राबवून हे शिल्पा नि विजय  हे दांपत्य विठ्ठल सेवा करतात हे वाखाणण्याजोगे आहे.