ऑनलाइन जुगारी PSI सोमनाथ झेंडे निलंबित

पिंपरी : पिंपरी – चिंचवड पोलिस मुख्यालयात ऑन ड्यूटी पीएसआय सोमनाथ झेंडे यांनी ऑनलाइन जुगरात दीड कोटी रुपये जिंकले होते , बांगलादेश विरुद्ध इंग्लंड  या क्रिकेट सामन्यावर त्यांनी हा जुगार जिंकला होता.  या प्रकानंत गृहमंत्री देवेंद्र फडणवीस यांच्याकडे तक्रार करण्यात आल्याने  पोलीस उपनिरीक्षक सोमनाथ झेंडेंची पोलीस उपायुक्तांकडून  त्यांची चौकशी करण्यात आली असून वरिष्ठांच्या परवानगीशिवाय वृत्तवाहिन्यांना गणवेशात मुलाखत दिली. त्यामुळे शिस्तभंग झाल्याचा ठपका ठेवत झेंडेला  निलंबित करण्यात आले आहे.

सध्या सुरु असलेला क्रिकेट विश्वचषक आपण नियमितपणे पाहत असून क्रिकेटची आवड असल्याचे सोमनाथ झेंडे यांनी सांगितले.   गेल्या तीन चार महिन्यांपासून ड्रीम 11 या ऑनलाइन जुगार अॅपवर  क्रिकेट खेळण्यास सुरुवात केली होती. त्यानुसार बांगलादेश विरुद्ध इंग्लंड सामन्यावर टीम लावली होती. त्यात दीड कोटींचे बक्षीस मिळाले आहे,

विविध प्रकारच्या ऑनलाईन जुगारांमुळे तरुणाई भरकटत चालली आहे, अशात अनेकदा फसवणूक होत असल्याचे प्रकार समोर आलेत. असं असताना पिंपरी चिंचवडमध्ये  पोलीस उपनिरीक्षक असलेले सोमनाथ झेंडे  ऑनलाइन जुगार खेळत असल्याने राज्यातील पोलिस दलात चर्चा सुरू झाली होती.

झेंडे यांनी वृत्तवाहिन्यांना गणवेशात मुलाखत दिली. त्यामुळे पोलिसांना नेटकऱ्यांनी टार्गेट केले. या प्रकरणाची पोलीस उपायुक्त दर्जाच्या अधिकाऱ्यांकडून चौकशी करण्यात आली. चौकशी नंतर मंगळवारी झेंडे यांना निलंबित करण्याचे आदेश दिल्याचे सहायक आयुक्त सतीश माने यांनी सांगितले.

दरम्यान, सोमनाथ झेंडे चाकण पोलिस ठाण्यात कार्यरत असताना आलेल्या एका तक्रारीतील संशयिताविरुद्ध कारवाई न करण्यासाठी त्यांनी ८५ हजार रुपयांची लाच मागून ती आपल्या पंटरमार्फत (दलाल) घेतली होती. त्यात अटक होऊन त्यांचे निलंबन झाले होते. सहा महिन्यांच्या निलंबनानंतर ते पुन्हा पोलिस सेवेत आले; पण त्यांना साइड ब्रॅंच देण्यात आली. तेथे राहून  त्यांनी हा ऑनलाइन जुगार खेळण्याचा पराक्रम केला आहे.