सर्वोत्कृष्ट कार्यस्थळांमध्ये भारत फायनान्शिअल इन्क्लुजन लिमिटेडला ग्रेट प्लेस टू वर्क इंडिया द्वारे मिळाली मान्यता

मुंबई : इंडसइंड बँकेची १००% उपकंपनी असलेल्या भारत फायनान्शियल इन्क्लुजन लिमिटेड (BFIL) ला ग्रेट प्लेस टू वर्क इंडियाने बीएफएसआय (बँकिंग, वित्तीय सेवा आणि विमा) क्षेत्रात भारतातील सर्वोत्कृष्ट कार्यस्थळांमध्ये मान्यता दिली आहे. सलग नवव्या वर्षी ही ओळख मिळवणे यातून कामाच्या ठिकाणी असलेला वेगळेपणा आणि मौलिकतेची संस्कृती प्रस्थापित करण्यासाठी BFIL ची सातत्यपूर्ण बांधिलकी दिसून येते.

BFIL ची कामगिरी कर्मचारी सहभाग, समाधान आणि विकासाला प्रोत्साहन देणारे कामाचे वातावरण तयार करण्यासाठी असलेली समर्पितता सिद्ध करते. प्रेरणा, सहयोग, पारदर्शकता, करिअर वाढीच्या संधी, निष्पक्षता, फन@वर्क कल्चर, आदर आणि कौतुक यासारख्या प्रभावी गुणांचे प्रदर्शन केल्याबद्दल कंपनीचे कौतुक करण्यात आले आहे.

६० पेक्षा जास्त देशांतील १०,००० हून अधिक संस्था त्यांच्या कार्यस्थळाच्या संस्कृतीचे मूल्यांकन, तुलना आणि सुधारणा करण्यासाठी दरवर्षी ग्रेट प्लेस टू वर्क बरोबर सहयोग करतात. उच्च-विश्वास, उच्च-कार्यक्षमता संस्कृती प्रस्थापित करण्यावर लक्ष केंद्रित करणार्‍या संपूर्ण मूल्यमापन प्रक्रियेतून गेल्यानंतर, BFIL ला BFSI क्षेत्रातील भारतातील सर्वोत्कृष्ट कार्यस्थळ म्हणून सन्मानित करण्यात आले. हा पुरस्कार म्हणजे उच्च-विश्वास, उच्च-कार्यक्षमता संस्कृती प्रस्थापित करणारी आणि मानवी क्षमता वाढवणारे कार्यस्थळ तयार करण्यासाठी अनुभवातील दरी भरून काढण्याच्या BFIL च्या प्रयत्नांना मिळालेली पावती आहे.

या कामगिरीवर भाष्य करताना बीएफआयएलचे कार्यकारी उपाध्यक्ष जे. श्रीधरन म्हणाले, “ग्रेट प्लेस टू वर्क इन्स्टिट्यूटद्वारे बीएफएसआय क्षेत्रातील आघाडीच्या कार्यस्थळांपैकी एक म्हणून मान्यता मिळाल्याचा आम्हाला अभिमान आहे. ही प्रतिष्ठेची मान्यता मिळण्यासाठी महत्वाच्या ठरलेल्या नाविन्यपूर्णता, विकास आणि सहकार्याला चालना देणाऱ्या सकारात्मक कार्य वातावरणाला प्रोत्साहन देण्यासाठी आमची बांधिलकी आहे. आमचा विश्वास आहे की आमच्या यशासाठी आमच्या कर्मचार्‍यांचा सहभाग आणि समाधान महत्त्वपूर्ण आहे आणि आम्ही त्यांना व्यावसायिक आणि वैयक्तिकरित्या भरभराट होण्यासाठी आवश्यक असलेल्या संधी आणि संसाधने प्रदान करण्यास प्राधान्य देत राहू. अशा प्रतिष्ठित संस्थांपैकी एक म्हणून मान्यता मिळाल्याचा आम्हाला सन्मान वाटतो आणि बीएफआयएल मध्ये उत्कृष्टता आणि नावीन्यपूर्णतेची संस्कृती निर्माण करणे सुरू ठेवण्यास आम्ही उत्सुक आहोत.”

बीएफआयएलचे मुख्य जन अधिकारी श्रीनिवास रेड्डी वुडुमुला म्हणाले, “ग्रेट प्लेस टू वर्क इन्स्टिट्यूटने बीएफएसआय क्षेत्रातील आघाडीच्या नियोक्त्यांपैकी एक म्हणून मान्यता दिल्याचा आम्हाला गौरव वाटत आहे. ही मान्यता म्हणजे बीएफआयएल मध्ये उच्च कार्यक्षमतेची आणि सौहार्दाची संस्कृती जोपासण्यात कर्मचारी आणि व्यवस्थापक यांच्या प्रचंड कष्ट आणि समर्पणाचे स्पष्ट प्रतिबिंब आहे. ग्रामीण भारतामध्ये केवळ आर्थिक समावेशन आणणे एवढेच नाही तर ग्रामीण तरुणांना आमच्यासोबत त्यांच्या आकांक्षा पूर्ण करण्यासाठी समान संधी देणारे सर्वसमावेशक कार्यस्थळ निर्माण करण्यात आम्हाला अभिमान वाटतो. ही मान्यता आमच्या प्रभावी नेतृत्व आणि मजबूत उत्तराधिकार नियोजन पद्धती प्रमाणित करते.”

ग्रेट प्लेस टू वर्क इंडिया द्वारे बीएफएसआय क्षेत्रातील भारतातील सर्वोत्कृष्ट कार्यस्थळ म्हणून ओळखले जात असल्याने, बीएफआयएलने उद्योगातील इतर कंपन्यांसाठी मानक सेट केले आहे  आणि त्यांच्या कर्मचार्‍यांना उत्कृष्ट कामाचे वातावरण प्रदान करण्यासाठी त्यांची बांधिलकी प्रदर्शित करत आहे.