विनोदमूर्ती प्रकाश इनामदार करंडक रंगपंढरी, पुणेच्या ‘विषाद’ एकांकिकेस

पुणे : विजय पटवर्धन फाऊंडेशन आयोजित विनोदमूर्ती प्रकाश इनामदार करंडक राज्यस्तरीय एकांकिका स्पर्धेत रंगपंढरी, पुणेच्या ‘विषाद’ एकांकिकेने बाजी मारली असून पहिल्या क्रमांकाचा विनोदमूर्ती प्रकाश इनामदार करंडक आणि 25 हजार रुपये रोख पारितोषिक पटकाविले आहे. कलादर्शन, पुणेच्या ‘यशोदा’ एकांकिकेस द्वितीय तर मुक्ताई फाऊंडेशन, पुणेच्या ‘उरूस’ एकांकिकेस तृतीय क्रमांकाचे पारितोषिक मिळाले आहे.

विनोदमूर्ती प्रकाश इनामदार करंडक राज्यस्तरीय एकांकिका स्पर्धेचे भरत नाट्य मंदिर येथे आयोजन करण्यात आले होते. स्पर्धेत एकूण 24 संघांनी सहभाग घेतला होता. स्पर्धेचे यंदाचे पहिले वर्ष आहे. स्पर्धेचे पारितोषिक वितरण प्रसिद्ध अभिनेते, लेखक, दिग्दर्शक प्रवीण तरडे, अखिल भारतीय मराठी नाट्य परिषदेच्या पुणे शाखेचे अध्यक्ष मेघराज राजेभोसले, ज्येष्ठ अभिनेत्री जयमाला इनामदार यांच्या प्रमुख उपस्थितीत करण्यात आले. स्पर्धेचे परिक्षक विनीता पिंपळखरे, सौरभ पारखी, नितीश पाटणकर, फाउंडेशनच्या अध्यक्षा वृषाली पटवर्धन, विजय पटवर्धन, आदित्य मोडक, प्रविण वानखेडे, श्रेयस दीक्षित, सचिन नगरकर रंगमंचावर होते. अंजली अभ्यंकर, शेखर भागवत यांचीही उपस्थिती होती.

स्पर्धेचा सविस्तर निकाल

उत्कृष्ट एकांकिका प्रथम – ‘विषाद’, रंगपंढरी, पुणे, द्वितीय – ‘यशोदा’, कलादर्शन, पुणे, तृतीय – ‘उरूस’, मुक्ताई फाऊंडेशन, पुणे.

दिग्दर्शन – प्रथम – ज्ञानेश विधाते (‘विषाद’, रंगपंढरी, पुणे), द्वितीय – विनोद चंदनशिव (‘यशोदा’, कलादर्शन, पुणे), तृतीय – संध्या कुलकर्णी (‘जीर्णोद्धार, नाट्यसंस्कार कला अकादमी, पुणे), उत्तेजनार्थ – मुकुल ढेकळे (‘उरूस’, मुक्ताई फाऊंडेशन, पुणे), बॉबी (‘स्टार’, जिराफ थिएटर, टिटवाळा).

उत्कृष्ट अभिनय – पुरुष – अभिनेते आनंद अभ्यंकर स्मृती प्रथम पुरस्कार – अनिल आव्हाड (‘स्टार’, जिराफ थिएटर, टिटवाळा,), द्वितीय – संदीप बोडके (‘यशोदा’, कलादर्शन पुणे), तृतीय – सुनील डोंगरे (‘विषाद’, रंगपंढरी, पुणे), उत्तेजनार्थ – सृजन देशपांडे (‘रोज मरे त्याला’, आर. डी. क्रिएशन, मुंबई), शर्व दाते (‘जीर्णोद्धार, नाट्यसंस्कार कला अकादमी, पुणे), विश्वास सकट (‘ऐन आषाढात पंढरपुरात’, कलारंग पुणे), हेमंत शिर्के (‘उरूस’, मुक्ताई फाऊंडेशन, पुणे).

उत्कृष्ट अभिनय – स्त्री – अभिनेत्री विद्या भागवत स्मृती प्रथम पुरस्कार – सायली रौंदळे (‘विषाद’, रंगपंढरी, पुणे), द्वितीय – ऐश्वर्या तुपे (‘वरात’, आयएमसीसी, पुणे), तृतीय – ऋचा सुरवे (‘रूममेट’, स्मृती थिएटर्स, मुंबई), उत्तेजनार्थ – दृष्टी मोरे (‘जिर्णोद्धार’, नाट्यसंस्कार कला अकादमी, पुणे), श्रावणी धुमाळ (‘गाऱ्हाणं’, नाट्यहोलीक, पुणे), हेमलता रघु (‘किटीपार्टी’, नाट्यपुष्प, पुणे).

उत्कृष्ट लेखन – प्रथम – ज्ञानेश विधाते (‘विषाद’, रंगपंढरी, पुणे), द्वितीय – संध्या कुलकर्णी (‘जीर्णोद्धार’ नाट्यसंस्कार कला अकामदी, पुणे), तृतीय – मुकुल ढेकळे (‘उरूस’, मुक्ताई फाऊंडेशन, पुणे), उत्तेजनार्थ – स्वप्निल चव्हाण (‘टाहो’, इम्पिरिकल फाऊंडेशन, कल्याण), सूचित पाटील (‘मेन इन ब्लॅक’, डावा क्रिएशन, अलिबाग).

उत्कृष्ट पार्श्वसंगीत – राजेश देशपांडे (‘म्हँ’, सृजन द क्रिएशन, मुंबई). उत्कृष्ट प्रकाश योजना – ओंकार माने, देवशिष शिंदे (‘उरूस’, मुक्ताई फाऊंडेशन, पुणे). उत्कृष्ट नेपथ्य – ऋतुजा बोठे (‘यशोदा’, कलादर्शन, पुणे).

मिलिंद हल्याळ पुरस्कृत रामचंद्र हल्याळ स्मृती सन्मानचिन्ह विशेष लक्षवेधी विनोदी कलाकार – वनमाला वैदे (‘म्हँ’, सृजन द क्रिएशन, मुंबई)