राज्यपालांना कोल्हापूरी जोडे दाखवण्याची वेळ आली आहे – उद्धव ठाकरेंचा घणाघात 

मुंबई : मुंबईतून जर गुजराती, राजस्थानी लोकांना काढून टाकलं तर आर्थिक राजधानी म्हणून मुंबई ओळखली जाणार नाही असं वादग्रस्त वक्तव्य केल्यामुळे राज्यपाल भगतसिंग कोश्यारी यांच्यावर सर्वच स्तरातून टीका होत आहे. आता शिवसेना पक्षप्रमुख आणि माजी मुख्यमंत्री उद्धव ठाकरे यांनीही कोश्यारींवर टीका केली आहे. पत्रकार परिषदेत बोलताना राज्यपालांना कोल्हापूरी जोडे दाखवण्याची वेळ आली आहे, अशी खोचक टीका उद्धव ठाकरेंनी केली आहे.

उद्धव ठाकरे म्हणाले, की राज्यपालांना कोल्हापूरी जोडे दाखवण्याची वेळ आली आहे. याचा अर्थ कोणी कसा घेईल हे माहिती नाही. जोड्याचा उपयोग, कोण कसा करेन याची खात्री नाही. कोश्यारी यांचं भाषण मुंबईतून दिलं जातं की दिल्लीतून लिहून दिलं जातं हे माहिती नाही, असंही ते म्हणाले.