एमएसएलटीए अखिल महाराष्ट्र आंतरक्लब टेनिस स्पर्धेत पीवायसी अ, नाशिक जिल्हा, मुंबई उपनगर जिल्हा संघटना संघांचा सलग दुसरा विजय

मुंबई, 18 जून 2022: महाराष्ट्र राज्य लॉन टेनिस संघटना(एमएसएलटीए) यांच्या वतीने आयोजित पाचव्या एमएसएलटीए अखिल महाराष्ट्र आंतरक्लब टेनिस स्पर्धेत साखळी फेरीत पीवायसी अ, नाशिक जिल्हा, मुंबई उपनगर जिल्हा संघटना या संघांनी विजयी मालिका कायम ठेवत सलग दुसरा विजय मिळवला.

एसएसके क्लब, नाशिक येथे सुरु असलेल्या या स्पर्धेत गटसाखळी फेरीत अ गटात पीवायसी अ संघाने जिल्हा ब संघाचा 32-08 असा पराभव करून विजय मिळवला. पीवायसी अ संघाकडून राधिका कानिटकर, जयंत कढे, केदार शहा, हिमांशु गोसावी, ऋतुपर्णा कुलकर्णी, अनुप मिंडा, केतन धुमाळ, अभिषेक ताम्हाणे यांनी सुरेख कामगिरी बजावली.  दुसऱ्या सामन्यात मुंबई उपनगर जिल्हा संघटना संघाने पीवायसी क संघाचा 32-13 असा पराभव करून आपली विजयी मालिका कायम ठेवली. विजयी संघाकडून अभिजित मुजुमदार, रामा राव, दिनेश लावुगिरी, हिरोशी टेकाय  मायकाई सबाई, निशित पांडे, करण डॉक्टर, राहुल यांनी अफलातून कामगिरी केली.

तिसऱ्या ब गटाच्या सामन्यात धर्मेंद्र शर्मा, निखिल संपत, विक्रम संपत, इंतिकाब अली, इम्रान युसूफ, लव कोठारी यांच्या विजयी कामगिरीच्या जोरावर सीसीआय अ संघाने पीवायसी ब संघाचा 25-20 असा पराभव करून विजयी सलामी दिली. नाशिक जिल्हा संघाने खार जिमखाना संघाचा 25-23 असा संघर्षपूर्ण पराभव केला.