सैनिकांनी मोठ्या प्रमाणात रक्तदान करून समाजात निर्माण केला आदर्श

फिक्की महिला आघाडीच्या वतीने गुरुद्वारा येथे भव्य रक्तदान शिबिराचे आयोजन

पुणे : सैनिकांनी मोठ्या प्रमाणात रक्तदान करून समाजाला नवा आदर्श निर्माण केल्याचे आज पुण्यात आयोजित केलेल्या रक्तदान शिबिरात दिसून आले. देशभर आणि सर्वत्र रक्ताचा मोठ्या प्रमाणात तुटवडा जाणवत आहे. हा प्रश्न अतिशय महत्त्वाचा आहे. त्यामुळेच 14 जून रोजी होणाऱ्या जागतिक रक्तदान दिनाच्या पार्श्वभूमीवर फिक्की महिला आघाडी ,रोटरी क्लब पुणे एअरपोर्ट व गुरुद्वारा कॅम्प यांच्या संयुक्त विद्यमाने गुरुद्वारा कॅम्प येथे भव्य रक्तदान शिबिराचे आयोजन करण्यात आले होते. यावेळी पुणे शहरातील नागरिकही सहभागी झाले होते .परंतु दिवसभरात अतिशय मोठ्या प्रमाणात सैनिकांनी रक्तदान करून या शिबिरात मुख्य सहभाग घेतला होता .या शिबिरात जमा झालेले रक्त ससून रुग्णालयात देण्यात आले.

फिक्की महिला आघाडी च्या वतीने शहरभर रक्तदान शिबिर आयोजित करण्यात येणार आहे त्याचे उद्घाटन महाराष्ट्र आणि गोवा चे दक्षिण सब एरियाचे मेजर जनरल इंद्रजित सिंग यांच्या हस्ते करण्यात आले.त्यांनी यावेळी मनोगत ही व्यक्त केले.

या शिबिराच्या उद्घाटन प्रसंगी मेजर जनरल इंद्रजित सिंग ,फिक्की महिला आघाडीच्या अध्यक्षा निलम शेवलेकर ,वस्तू व सेवा कर विभागाचे प्रधान आयुक्त राजीव कपूर , आयकर विभागाचे आयुक्त राजीव कुमार ,माजी धर्मादाय आयुक्त दिलीप देशमुख ,गुरुद्वारा कमिटीचे अध्यक्ष चरणजित सिंग सहानी ,सचिव करमजित सिंग आनंद,प्रसिद्ध उद्योजक अनिल शेवलेकर ,फिक्की च्या सचिव पिंकी राजपाल ,सोनिया राव ,अनिता अग्रवाल यासह फिक्की महिला आघाडी ,रोटरी क्लब पुणे एअरपोर्ट , गुरुद्वारा कमिटी विविध संस्थाचे प्रतिनिधी व रक्तदाते मोठ्या प्रमाणात सहभागी होते.