भारती एक्सा लाइफने १०० वर्षे वयापर्यंत लाइफ कव्हर देणारी बचत योजना लाँच केली
मुंबई : भारती एक्सा लाइफ इन्शुरन्स (Bharti AXA Life Insurance) या भारताचा आघाडीचा व्यवसाय समूह भारती एंटरप्राईजेज आणि जगातील सर्वात मोठी विमा कंपनी एक्सा यांमधील संयुक्त उद्यमाने आज नवीन सहभागी बचत उत्पादन ‘भारती एक्सा लाइफ उन्नती’च्या लाँचची घोषणा केली. हा प्लान व्यक्तींना दीर्घकाळापर्यंत आर्थिक स्थिरता देण्यासाठी डिझाइन करण्यात आला आहे. या एकाच प्लानमध्ये बचत व संरक्षण हे दुहेरी लाभ मिळतात.
मूल्यतत्त्वामध्ये ग्राहकांना प्राधान्य देत भारती एक्सा लाइफ उन्नतीची संकल्पना मांडण्यात आली आहे. हा प्लान ग्राहकांना हमीपूर्ण आर्थिक परताव्यांसह संपत्ती निर्माण करण्यामध्ये सक्षम करतो,व दुसऱ्या वर्षापासूनच हमीपूर्ण परतावे मिळण्याच्या पर्यायांसह जीवनातील प्रमुख ध्येयांसाठी नियोजन करण्यामध्ये मदत करतो.
भारती एक्सा लाइफ उन्नती हे सर्वसमावेशक उत्पादन आहे, जे चार प्लान पर्याय, स्थिर प्रीमियम पेमेण्ट टर्म आणि रायडर्सच्या संदर्भात विविध अॅड ऑन्स देते. यामुळे ग्राहकांना त्यांच्या गरजा व जीवनातील ध्येयांनुसार उत्पादन सानुकूल करता येते.
या प्लानअंतर्गत ऑफर करण्यात आलेले चार प्लान पर्याय पुढीलप्रमाणे –
१) संपूर्ण जीवन उत्पन्न मिळण्याचा पर्याय –दुस-या वर्षापासूनच हमीपूर्ण उत्पन्न देण्यासोबत १०० वर्षे वयापर्यंत कॅश बोनसदेते (घोषित करण्यात आल्यास). हा ‘4G‘ प्लान आहे, जो तीन जनरेशन (पिढ्यांचा) खर्च कव्हर करण्यामध्ये मदत करू शकतो आणि हमीपूर्ण परतावे देतो. म्हणून हा प्लान पालक, मुले यांची काळजी घेण्यासाठी आवश्यक असलेल्या उत्पन्नांसोबत अतिरिक्त उत्पन्नाची गरज असलेल्या ३५ ते ५० वर्षे वयोगटातील व्यक्तींसाठी योग्य आहे.
२) निधी पर्याय – एकरकमी लाभ देतो, ज्यामुळे पॉलिसीधारकाला दीर्घकालीन ध्येयांची पूर्तता करण्यामध्ये मदत होते. या प्लान पर्यायामध्ये दोन प्रकार आहेत – एक म्हणजे विमाकृत व्यक्तीचा मृत्यू झाल्यास प्रीमियम्स माफ करण्यात येतात आणि दुसरे म्हणजे उच्च लाइफ कव्हरसाठी पर्याय. पॉलिसी अखेरीस एकरकमीपर्यायासह मुलांचे उच्च शिक्षण, घरासाठी सुरूवातीचा भरणा, परदेशात सुट्टीचा आनंद अशी विशिष्ट ध्येये पूर्ण करण्याची इच्छा असलेल्या ग्राहकांसाठी हा प्लान योग्य आहे.
३) मनीबॅक पर्याय हा प्लान पॉलिसी टर्मदरम्यान प्रत्येक चौथ्या वर्षी एक वर्षाच्या प्रीमियमइतकीहमीपूर्ण मनीबॅक देतो, तसेच पॉलिसी टर्मच्या अखेरीस एकरकमी रक्कम देतो. हा प्लान दीर्घकाळापर्यंत वाट न पाहता ठराविक कालांतराने उत्तम परतावे मिळण्याची इच्छा असलेल्या ग्राहकांसाठी योग्य आहे.
४) त्वरित उत्पन्न पर्याय – हा प्लान पॉलिसीच्या दुस-या वर्षापासूनच कॅश बोनसच्या रूपात (घोषित करण्यात आल्यास) नियमितपणे उत्पन्न देतो आणि मॅच्युरिटीच्या वेळी एकरकमी पर्यायदेतो. हा प्लान ग्राहकाच्या उत्पन्नामध्ये वाढ करण्यास आणि पगारामधून भागू न शकणा-या त्यांच्या गरजा त्वरित पूर्ण करण्यामध्ये मदत करतो.
या सर्व पर्यायांमध्ये संपूर्ण पॉलिसी टर्मदरम्यान डेथ कव्हर दिले जाते आणि विमाकृत व्यक्तीच्या अनाकलनीय मृत्यूसंदर्भात मृत्यूपश्चात्त लाभ कुटुंबाला (नॉमिनी किंवा लाभार्थी) दिले जातात.