‘पिंग पॉंग’ ओटीटीच्या ‘हिडन’ वेबसिरीजचे पोस्टर लॉंच!

‘पिंग पॉंग एंटरटेनमेंट प्रा. लि.’च्या ‘पिंग पॉंग’ ओटीटी प्लॅटफॉर्मवर लवकरच येऊ घातलेल्या ‘हिडन’ या नव्या भव्य वेबसिरीजच्या पोस्टरचे अनावरण करण्यात आले. येत्या १६ जुलै रोजी ही वेबसिरीज ‘पिंग पॉंग’ ओटीटी प्लॅटफॉर्मवर रिलीज होणार आहे. आज कलाकारांच्या उपस्थितीत सोशल मीडियावर ‘हिडन’चे पोस्टर रिलीज करण्यात आले. गहाण रहस्याची उकल करणारे चेहरे या पोस्टरवर असून सोशल मीडियावर हे पोस्टर रिलीज होताच नेटकऱ्यांमध्ये कमालीचे कुतूहल तयार झाले आहे.

अभिनेता  संतोष जुवेकर म्हणाला “माझी ‘हिडन’मध्ये अत्यंत वेगळी भूमिका आहे. यात मी एसीपी प्रदीप राजे ही भूमिका साकारत आहे. हा अनुभव माझ्यासाठी रोमांचक आहे.  आज ‘हिडन’चं नुसतं पोस्टर प्रदर्शित झालंय, आणि ते पाहून प्रेक्षकांनी कमाल प्रतिक्रिया दिल्यात, आमच्या मेहनतीचं चीज झाल्याचं समाधान मिळत आहे. ‘हिडन’ मध्ये दडलंय काय? याचं रहस्य १६ जुलैला ‘पिंग पॉंग’ ओटीटीवर उलगडणार आहे.”.

 जीवन बबनराव जाधव यांनी ‘पिंग पॉंग एंटरटेनमेंट प्रा. लि.’ द्वारे ‘पिंग पॉंग’ हा नवा ओटीटी प्लॅटफॉर्म खास जगभरातील भारतीय प्रेक्षकांसाठी लॉंच केला आहे. या ओटीटीवर वेबसिरीज, वेब मुव्हीज, बॉलिवूड, हॉलिवूड मुव्हीज तसेच इतर एंटरटेन्मेन्ट शोज प्रेक्षकांना पहायला मिळणार आहेत. ‘हिडन’ वेबसिरीज बाबत बोलताना  जाधव म्हणाले, “‘हिडन’ ही भव्य वेबसिरीज आहे. ‘सस्पेन्स, थ्रीलर, ऍक्शन प्रकारातील ही थरारक वेबसिरीज प्रेक्षकांच्या मनोरंजनाच्या सर्व अपेक्षा पूर्ण करेल.”

लेखक दिग्दर्शक विशाल सावंत म्हणाले, ” ही एक डार्कशेड असलेली मुंबई शहरातील गोष्ठ आहे. हिडन मधील सर्व व्यक्तिरेखा काल्पनिक असून गुन्हेगारी विश्वाची पार्श्वभूमी आहे.  गुन्हेगार आणि पोलीस यांच्यातील वेगवान घटना प्रेक्षकांना गुंतवून ठेवतील. डार्कलूक असलेलं ‘हिडन’चं पोस्टर कुतुहलासोबतच तीव्र उत्सुकता तयार करीत आहे.”

‘पिंग पॉंग एंटरटेनमेंट प्रा. लि.”साठी विशाल पी. सलेचा आणि महेश पटेल यांनी ‘हिडन’ची निर्मिती केली असून विशाल सावंत यांनी या वेबसिरीजचे लेखन दिग्दर्शन केले आहे. कमल सिंग यांचे छायांकन असून रसीद खान यांनी संगीत दिग्दर्शन केले आहे. ‘हिडन’ मध्ये संतोष जुवेकर, संजय सोनू, दक्ष अजित सिंग, जीत सिंग, मानवीर चौधरी, रजत वर्मा, रोहित परशुराम आणि संदीप पाठक यांच्या महत्वाच्या भूमिका आहेत.