लसीकरणाचा ‘केरळ पॅटर्न’ – कोरोना लसीचा प्रत्येक थेंब आणला वापरात

पुणे – एकीकडे कोरोनाच्या लसीचा तुटवडा, वाया जाणारे लसींचे डोस आणि हवालदिल झालेले जेष्ठ नागरिक… असे चित्र सर्वत्र पहायला मिळत असताना आपल्याच देशातील केरळ राज्याने मात्र, कोरोना लसीकरणाचा प्रत्येक थेंबनथेंब वापरून एक आदर्श घालून दिला आहे. या राज्यात मागील सोमवार अखेर 73 लाख 38 हजार 680 डोस मिळाले होते. यातून येथील आरोग्य कर्मचाऱ्यानीं 74 लाख 26 हजार 164 जणांचे लसीकरण केले आहे.

Kerala has received 73,38,806 doses of vaccine from GoI. We've provided 74,26,164 doses, even making use of the extra dose available as wastage factor in each vial. Our health workers, especially nurses have been super efficient and deserve our wholehearted appreciation!

— Pinarayi Vijayan (@vijayanpinarayi) May 4, 2021

लसीकरणाच्या या अनोख्या केरळ पॅटर्न ची ही कमाल घडली कशी?, लस ही छोट्या काचेच्या बाटलीत येते. एका बाटलीतून किमान 10 जणांना लस दिली जाते. या लसी दिल्यानंतर सुद्धा थोडा डोस या बाटलीत शिल्लक राहतो. याच शिल्लक राहिल्या थेंबातून आरोग्य कर्मचाऱ्यांनी लसीकरनाचा हा आकडा वाढविला आहे. केरळचे मुख्यमंत्री पिनराई विजयन यांनी याबाबत ट्विट करून माहिती दिली आहे. तर पंतप्रधान नरेंद्र मोदी यांनी केरळ सरकारचे अभिनंदन करत विजयन यांचे ट्विट रिट्विट केले आहे.