नवी दिल्ली, दि. 17 – ब्रिटेनच्या ऑक्सफोर्ड युनिव्हर्सिटीत डेक्सामेथासोन (dexamethasone) औषधाचा वापर करून 2000 रूग्णांवर उपचार करण्यात आले. या चाचणीत असे आढळले की हे औषध बर्‍याच रुग्णांचा जीव वाचवण्यात यशस्वी ठरले आहे. यामुळे जागतिक आरोग्य संघटना (WHO) कोरोना रुग्णांचा जीव वाचवणारं औषध सापडलं असल्याचं जाहीर केलं आहे.
संशोधकांचे म्हणणे आहे की डेक्सामेथासोन हे असे पहिले औषध आहे जे कोरोना रूग्णांचे प्राण वाचविण्यात यशस्वी ठरले आहे. डेक्सामेथासोन या औषधाने कोरोना रूग्णांवर उपचार करण्यास ब्रिटन सरकारनं मान्यता दिली आहे. हे एक जुने आणि स्वस्त औषध आहे.
संशोधक प्रो. मार्टिन लँड्रे यांच्या मते, जेथे योग्य असेल तेथे रुग्णांना आता कोणताही उशीर न करता हे औषध द्यावे. मात्र लोकांनी हे औषधे स्वत: खरेदी करुन घेऊ नये, डॉक्टरांच्या परवानगीनेच घ्यावे.
डेक्सामेथासोन औषध विशेषत: व्हेंटिलेटर आणि ऑक्सिजनवर असलेल्या रुग्णांवर उपायकारक आहे. अद्याप सौम्य लक्षणं असलेल्या रुग्णांमध्ये या औषधाचा कितपत फायदा होत आहे, याबाबत संशोधन झालेले नाही. WHOचे महासंचालक टेड्रॉस अॅडहॅनम घेब्रियेसुस यांनी या औषधाचे कौतुक केले आहे. ते म्हणाले की, ऑक्सिजन आणि व्हेंटिलेटरवर असणाऱ्या रुग्णांसाठी हे औषध जीवनदान ठरू शकते.
ट्रायल दरम्यान असे आढळले की व्हेंटिलेटरवर असलेल्या रूग्णांना हे औषध दिल्यास मृत्यूचा धोका एक तृतीयांश कमी झाला आहे. तर, जे रुग्ण ऑक्सिजनवर आहेत, त्यांच्या मृत्यूचे प्रमाण 1/5 ने कमी झाले आहे. संशोधकांचा असा अंदाज आहे की जर आधी हे औषध ब्रिटनमध्ये उपलब्ध असते तर 5000 लोकांचा जीव वाचला असता. प्रमुख संशोधक प्रो. मार्टिन लँड्रे यांनी या अभ्यासाचा हवाला देत म्हटले आहे की हे औषध व्हेंटिलेटरवर असलेल्या प्रत्येकी 8 रुग्णांपैकी एकाचे प्राण वाचवते. त्याच वेळी, ऑक्सिजन समर्थनासह प्रत्येक 20-25 रुग्णांपैकी एकाचे प्राण वाचविण्यात हे औषध यशस्वी झाले आहे.
