एसव्हेक्टरचा सेबीकडे अपडेट डीआरएचपी सादर; 300 कोटी रुपयांच्या प्राथमिक उभारणीचे लक्ष्य

सॉफ्टबँक-समर्थित डिजिटल-कॉमर्स इकोसिस्टम एसवेक्टर लिमिटेडने सेबीकडे अपडेटेड ड्राफ्ट आयपीओ सादर केला आहे. विद्यमान भागधारकांकडून 63.87 दशलक्ष शेअर्सच्या ऑफर फॉर सेल (ओएफएस) सोबत नवीन इश्यूद्वारे ₹300 कोटी उभारण्याचा प्रस्ताव आहे.

एसव्हेक्टरचे प्रवर्तक आणि संस्थापक कुणाल बहल, रोहित बन्सल, ज्यांची एकत्रितपणे 34.63 टक्के हिस्सेदारी आहे, ते या ओएफएसमध्ये सहभागी होणार नाहीत. यामध्ये बहल यांचे वैयक्तिक शेअरहोल्डिंग सुमारे 12.42 टक्के, बन्सल यांचे वैयक्तिक शेअरहोल्डिंग सुमारे 11.14 टक्के आणि त्यांची संयुक्त मालकीची  कंपनी – बी2 प्रोफेशनल सर्व्हिसेस एलएलपीच्या अतिरिक्त 11.07 टक्के हिश्शाचा समावेश आहे. प्रवर्तक सॉफ्टबँकेची कंपनी स्टारफिश, ज्याची कंपनीमध्ये 30.68 टक्के हिस्सेदारी आहे, ते आपल्या हिस्सेदारीचा एक भाग विकणार आहेत.

गुरुग्राम येथील एसव्हेक्टर ही एक डिजिटल कॉमर्स इकोसिस्टम आहे. यात (i) मूल्यांना प्राधान्य देणारी लाइफस्टाईल ई-कॉमर्स मार्केटप्लेस, स्नॅपडील (ii) ई-कॉमर्स सक्षमीकरण SaaS प्लॅटफॉर्म, युनिकॉमर्स आणि (iii) सर्व चॅनेल ग्राहक ब्रँड व्यवसाय, स्टेलारो ब्रँड्स यांचा समावेश आहे.

एसव्हेक्टरचा मार्केटप्लेस ब्रँड स्नॅपडील हा भारतातील दोन सर्वोत्तम प्युअर-प्ले व्हॅल्यू मार्केटप्लेस प्लॅटफॉर्मपैकी एक आहे. युनिकॉमर्स हा व्यवहार प्रक्रिया स्तरावरील भारतातील सर्वात मोठा ई-कॉमर्स सक्षमीकरण SaaS प्लॅटफॉर्म आहे, तर स्टेलारो ब्रँड्स हा ग्राहक ब्रँड्सना विकसित करण्यावर आणि स्केलिंग करण्यावर लक्ष केंद्रित करतो. हे तिन्ही व्यवसाय धोरणात्मकदृष्ट्या जोडलेले असले तरी, भारतातील ई-कॉमर्स क्षेत्रातील मोठ्या आणि वेगाने वाढणाऱ्या विभागांमध्ये वैविध्यपूर्ण महसूल प्रवाह आणि विशिष्ट लक्ष्यित क्षेत्रांसह स्वतंत्रपणे कार्य करतात, असे फाइलिंगमध्ये नमूद केले आहे.

आयपीओमधून मिळणारे उत्पन्न स्नॅपडीलच्या पायाभूत तंत्रज्ञान सुविधा, मार्केटिंग आणि व्यवसाय प्रमोशन खर्चासाठी, अधिग्रहणांद्वारे होणाऱ्या इनऑरगॅनिक विस्तारासाठी तसेच सामान्य कॉर्पोरेट उपक्रमांसाठी निधी देण्याची एसव्हेक्टरची योजना आहे.

युनिकॉमर्स आणि शिपवेसह ई-कॉमर्स मूल्य साखळीमध्ये व्यवसाय मिळवण्याचा आणि तो वाढवण्याचा आपला ट्रॅक रेकॉर्ड एसव्हेक्टरने अधोरेखित केला आहे. धोरणात्मक एम अँड ए द्वारे विस्ताराच्या इनऑरगॅनिक संधींचा उपयोग करून घेण्याचा त्यांचा मानस आहे. एसव्हेक्टर ही युनिकॉमर्समधील सर्वात मोठी शेअरहोल्डर देखील आहे, जी 2024 मध्ये सूचीबद्ध झाली आणि त्याचा आयपीओ जवळजवळ 168.32 वेळा ओव्हरसबस्क्राइब झाला होता.

आर्थिक वर्ष 2025 मध्ये भारतातील वेगाने वाढणाऱ्या ई-कॉमर्स बाजारपेठ 19.6% सीएजीआरने वाढण्याचा अंदाज आहे. म्हणजेच सध्याच्या 95.8 अब्ज अमेरिकन डॉलर्सवरून आर्थिक वर्ष 2030 पर्यंत ती 234.4 अब्ज अमेरिकन डॉलर्सपर्यंत पोहोचेल असा अंदाज वर्तवण्यात येत आहे. यामुळे इंटरनेटचा विस्तार, डिजिटल पेमेंटचा अवलंब आणि महानगरांच्या पलीकडे देखील ग्राहकांच्या मागणीत वाढ होईल.