‘ब्रिक्सचेन’ रियल इस्टेटमधील गुंतवणुकीतला ‘गेम चेंजर’ – आलोक राय

पुणे : “ब्रिक्सचेन ( Brixchain)या प्लॅटफॉर्मने ग्राहकांना त्यांच्या सोयीनुसार रियल इस्टेटमध्ये छोट्या गुंतवणुकीचा पर्याय उपलब्ध करून दिला आहे. रियल इस्टेट क्षेत्रात गुंतवणुकीचा जगातील हा पहिला ऑनलाईन प्लॅटफॉर्म या क्षेत्रातील गुंतवणुकीसाठी गेम चेंजर ठरेल,” असे विश्वास भारत सरकारच्या सॉफ्टवेअर टेक्नॉलॉजी पार्क्स ऑफ इंडियाच्या (एसटीपीआय) अपायरी सेंटर ऑफ एक्सलन्सचे मुख्य कार्यान्वयन अधिकारी आलोक राय यांनी केले.
डॉ. अनिल मुंढे यांच्या संकल्पनेतून सुरु झालेल्या ‘ब्रिक्सचेन’ या ब्लॉकचेन टेक्नॉलॉजी आधारित रियल इस्टेट स्टार्टअपचे लोकार्पण आलोक राय यांच्या हस्ते झाले. या समारंभाला स्नॅपर फ्युचरटेकचे मुख्य तंत्रज्ञान अधिकारी आणि अपायरीचे मेंटॉर कमलेश नागवरे, अॅडव्हायजरी मंन्क्सचे संस्थापक आणि अपायरीचे मेंटॉर शामिक उकील, गेरा डेव्हलपर्सचे सहाय्यक सरव्यवस्थापक निकेत मुळे, ब्रिक्सचेनचे मुख्य कार्यकारी अधिकारी अनिल मुंढे, व्यवस्थापकीय संचालक महेंद्र ढोमसे, मुलसन पुणेचे मुख्य कार्यकारी अधिकारी संदीप मुळे यांच्यासह अन्य मान्यवर उपस्थित होते. एस. पी. जैन कॉलेज, मुंबईचे संचालक आणि महाराष्ट्र शासनाचे फिनटेक ब्रँड अॅम्बेसेडर विक्रम पंड्या यांनी व्हिडिओ कॉन्फरन्सद्वारे या समारंभासाठी शुभेच्छा दिल्या.

ब्रिक्सचेनचे संस्थापक डॉ. अनिल मुंढे यांनी एस. पी. जैन स्कूल ऑफ ग्लोबल मॅनेजमेंट येथून पीएचडी केली असून, ब्लॉकचेन टेक्नॉलॉजीचा वापर करून रियल इस्टेट टोकनायझेशन या विषयावर सखोल अभ्यास केला आहे. त्यांनी मांडलेली ब्रिक्सचेनची संकल्पना ‘एसटीपीआय’च्या आयडिया चॅलेंज प्रोग्राममध्ये ४८२ प्रस्तावांमधून निवडली गेली. रियल इस्टेट क्षेत्रातील हे अशाप्रकारचे पहिलेच स्टार्टअप आहे. आलोक राय यांच्या हस्ते ब्रिक्सचेनच्या पहिल्या ग्राहकाने (उल्हास तांबे) या प्लॅटफॉर्मवर गुंतवणूक करून याचा शुभारंभ केला.

आलोक राय म्हणाले, “ब्लॉकचेन तंत्रज्ञानावर आधारीत स्टार्टअपच्या संकल्पनांना आर्थिक पाठबळासह व्यावसायिक रूप देण्यासाठी एसटीपीआय सहकार्य करते. आजकाल दैनंदिन जीवनातल्या अनेक गोष्टी ऑनलाईन झाल्या आहेत. बँकिंग, किराणा माल, आणि गोल्ड बॉण्ड्स ही त्याची काही उदाहरणं आहेत. या तंत्रज्ञानाचा वापर करून रियल इस्टेट क्षेत्रातही ग्राहक अत्यंत सुरक्षितपणे छोटी गुंतवणूक करू शकतात. हीच कल्पना डॉ. अनिल मुंढे यांनी ब्रिक्सचेन या स्टार्टअपच्या माध्यमातून साकार केली आहे.”

डॉ. अनिल मुंढे म्हणाले, “ब्लॉकचेन तंत्रज्ञानामुळे आपली गुंतवणूक इतर कोणत्याही तंत्रज्ञानाच्या तुलनेत अधिक सुरक्षित राहते. ब्रिक्सचेनच्या गुंतवणुकीच्या पर्यायांमध्ये सर्व व्यावसायिक अ दर्जाच्या प्रॉपर्टीज असून त्यातील गुंतवणुकीतून वार्षिक ७ ते १२ टक्क्यांपर्यंत परतावा मिळू शकतो. इतर सर्व घटक सुस्थितीत राहिल्यास याचे व्हॅल्यू  अॅप्रिसिएशन १० ते १२ टक्क्यांपर्यंत मिळू शकते. गेरा डेव्हलपर्ससोबत रियल इस्टेटमध्ये सुरवात करून पुढे ब्रिक्सचेन सोने, निवासी संकुले, जमीन, अवकाशयान आणि विमान उत्पादनाच्या क्षेत्रातही पाऊल ठेवणार आहे.”