श्रावण महिण्यात प्रत्येक रविवार व सोमवारी भीमाशंकरसाठी पीएमपीएमएलची २४ तास शटल सेवा

पुणे : श्रावण महिन्यात भीमाशंकर येथे दर्शनासाठी जाणाऱ्या भाविकांच्या सोयीसाठी पीएमपीएमएल कडून श्रावण महिन्यातील प्रत्येक रविवार व सोमवारी भीमाशंकर येथील पार्किंग ते भीमाशंकर मंदिर पर्यंत २४ तास शटल सेवा देण्याचे नियोजन करण्यात आले असल्याची माहिती पीएमपीएमएल कडून देण्यात आली आहे.

सदरच्या शटल सेवेकरीता पीएमपीएमएल च्या निगडी डेपोतील डिझेलवर धावणाऱ्या १२ मिडी बसेस उपलब्ध करून देण्यात आल्या आहेत. त्यानुसार दि. ७ व ८ ऑगस्ट, दि. १४, १५ व १६  ऑगस्ट तसेच दि. २१ व २२ ऑगस्ट रोजी (श्रावण महिन्यातील प्रत्येक रविवार व सोमवार) सदरची शटल बससेवा भाविकांसाठी २४ तास उपलब्ध असेल. दि. १४, १५ व १६ ऑगस्ट रोजी सलग असल्याने सुट्टी रविवार, सोमवार व मंगळवारी देखील शटल सेवा सुरु ठेवण्यात येणार आहे. निगडी डेपोतून श्रावण महिन्यातील प्रत्येक रविवारी पहाटे ४ वा. सदरच्या बसेस निघतील व सोमवारी रात्री उशिरा या सर्व बसेस निगडी डेपोमध्ये परत येतील. मिडी बसेससाठी लागणारे डिझेल भीमाशंकर येथेच सर्व्हिस व्हॅन मधून उपलब्ध करून देण्यात येणार आहे. तसेच बस मध्ये काही तांत्रिक बिघाड झाल्यास तात्काळ दुरूस्ती करणेकामी ब्रेकडावून व्हॅन देखील त्या ठिकाणी उपलब्ध असणार आहे.