ढोले पाटील अभियांत्रिकी महाविद्यालय व एल अँड टी एज्युटेकमध्ये सामंजस्य करार

पुणे : भारतातील सर्वात मोठे अभियांत्रिकी उत्पादन आणि बांधकाम समूह म्हणून ओळखली जाणारी लार्सन अँड टुब्रो कंपनी भारतातील अभियांत्रिकी आणि तंत्रज्ञान कौशल्याला अद्ययावत ठेवण्यासाठी कार्यरत असून त्यांच्या एल अँड टी एज्युटेक व ढोले पाटील अभियांत्रिकी महाविद्यालय यांच्यात अद्ययावत ज्ञान व रोजगार संदर्भात करार झाला आहे. हा करार करणारी ढोले पाटील अभियांत्रिकी महाविद्यालय ही महाराष्ट्रातील व भारताच्या पश्चिम विभागातील पहिली संस्था आहे. या सामंजस्य कराराच्या माध्यमातून विद्यार्थ्यांना अभियांत्रिकी क्षेत्रातील बदलते तंत्रज्ञान शिकण्यास मदत होणार आहे.