नेत्र संशोधनातील योगदानासाठी डॉ कांकरिया सर्वोच्च आंतरराष्ट्रीय पुरस्कार ने  सन्मानित 

पुणे:  शहरातील एशियन आय हॉस्पिटलचे संचालक आणि सुप्रसिद्ध नेत्रतज्ञ डॉ वर्धमान कांकरिया यांना प्रतिष्ठित ऑल इंडिया ऑप्थॅल्मोलॉजिकल सोसायटी इंटरनॅशनल अवॉर्ड  ने सन्मानित करण्यात आले हा पुण्यास ठी अभिमानाचा क्षण आहे. लॅसिक आणि मोतीबिंदू शस्त्रक्रिया या क्षेत्रातील नेत्रसंशोधनात त्यांच्या अनुकरणीय योगदानासाठी हा सर्वोच्च पुरस्कार प्रदान करण्यात आला, ज्याला आंतरराष्ट्रीय स्तरावर मान्यता मिळाली आहे. डॉ. कांकरिया यांना नुकतेच एक्सपर्टस्केप या प्रतिष्ठित संस्थेने टॉप ५० ग्लोबल लॅसिक आणि मोतीबिंदू तज्ञ मध्ये समाविष्ट केले आहे जे वैद्यकीय व्यावसायिकांना त्यांच्या कौशल्यानुसार आणि संशोधनातील योगदानानुसार श्रेणीबद्ध करते.

ऑल इंडिया ऑप्थॅल्मोलॉजिकल सोसायटी (एआयओएस) चे अध्यक्ष डॉ. ललित वर्मा यांच्या हस्ते नुकत्याच मुंबईतील जिओ वर्ल्ड कन्व्हेन्शन  सेंटर येथे संपन्न झालेल्या राष्ट्रीय वार्षिक परिषदेत आणि देश-विदेशातील ९००० हून अधिक नेत्र शल्यचिकित्सकांच्या उपस्थितीत हा पुरस्कार प्रदान करण्यात आला. एआयओएस ही २५ हजार भारतीय नेत्र शल्यचिकित्सकांचे प्रतिनिधित्व करणारी जगातील सर्वात मोठी नेत्रसेवा  व्यावसायिकांची संस्था आहे. डॉक्टर कांकरिया हे एशियन आय हॉस्पिटल पुणे चे संचालक आहेत, जे सुपर-स्पेशालिटी नेत्र रुग्णालय आहे.

डॉक्टर कांकरिया कुटुंब हे १९८५ पासून चष्मा काढण्याची प्रक्रया करणारे भारतातील पहिले डॉकटर आहेत आणि त्यांना भारतातील लॅसिक च्या प्रवर्तकांपैकी एक मानले जाते. त्यांनी मुंबई, पुणे आणि अहमदनगरमध्ये  एक लाखाहून अधिक यशस्वी प्रक्रिया केल्या आहेत.

गेल्या काही वर्षांमध्ये, एशियन आय हॉस्पिटलने चष्मा काढून टाकण्यासाठी अनेक प्रगत प्रक्रिया केल्या आहेत ज्यात ब्लेडलेस लॅसिक, स्माइल लेसर (ब्लेडलेस आणि फ्लॅपलेस लॅसिक), कॉन्टूरा व हिजन आणि फॅकिक लेन्स इम्प्लांट यांचा समावेश आहे. या प्रगतीमुळे सर्व प्रक्रिया अधिक सुरक्षित आणि अचूक बनल्या आहेत.

एशियन आय हॉस्पिटल चे संचालक डॉ वर्धमान कांकरिया म्हणाले  की आमच्या सर्वोच्च राष्ट्रीय संस्थेकडून हा प्रतिष्ठेचा पुरस्कार मिळणे हा मोठा सन्मान आहे. आम्ही हा पुरस्कार आमच्या रूग्णांना समर्पित करतो  त्यांचा विश्वास आणि ज्यांची श्रद्धाआम्हाला दर रोज प्रेरणा देते.”