किशोरवयीन मुलीची व्यथा मांडणाऱ्या ‘पोटरा’चे आंतरराष्ट्रीय चित्रपट महोत्सवांमध्ये यश

आपल्या आसपास राहणाऱ्या किशोरवयीन मुलींना घर आणि समाजातून दिली जाणारी वागणूक, त्यांच्यावर लादली जाणारी बंधने ही स्पष्ट दिसायची. मुलींचे जीवन असे का असा प्रश्नही अनेकदा पडायचा. त्यामुळे या विषयाला व्यासपीठ मिळावे यासाठी ही कथा चित्रपटाच्या माध्यमातून मांडण्याचा प्रयत्न मी केला. चित्रपटातील मुख्य पात्र साकारलेली मुलगी म्हणजे छकुली प्रल्हाद देवकर ही ग्रामीण भागातील असून तिच्या घरची परिस्थितीदेखील अतिशय बिकट आहे. चित्रपटातील मुख्य पात्र आणि छकुली दोघीही साधारण एकाच वयाच्या असल्याने ती या भूमिकेसाठी योग्य वाटली. तिला हा विषय समजावून सांगण्यापासून ते चित्रपटात ही भूमिका साकारून घेणे तसे अवघड काम होते. यासाठी तिची तयारी आम्ही करवून घेतली. जवळपास तीन महिने तिला आमच्या सोबत राहायला आणले आणि हा विषय समजावून सांगितला. चित्रपटाचे निर्माते शरद शिंगाडे यांचे चित्रपट निर्मितीसाठी मोलाचे सहकार्य लाभले. तसेच प्रसिद्ध चित्रकार शशिकांत धोत्रे आणि स्वप्नजा राजेनिंबाळकर यांचेही मोलाचे सहकार्य लाभले.

चित्रपटातील सर्व कलाकार ग्रामीण भागातील असून मुख्य पात्र छकुली प्रल्हाद देवकर हिने साकारले आहे. तसेच सुहास मुंडे, दीपाली कांबळे, नंदा काटे, श्रेयस हनवटे, महेश माने, उर्मिला जाधव, बाळासाहेब साठे या कलाकारांनी चित्रपटात भूमिका साकारली आहे.