.. म्हणून धर्मयुद्ध टाळते – पंकजा मुंडे

पंकाजा मुंडे म्हणाल्या, प्रीतम मुंडेंना मंत्रिपद न मिळाल्याने मी नाराज नाही. पंकजा आणि प्रीतम यांनी मंत्रिपदाची कधीच मागणी केली नव्हती. माझा परिवार म्हणजे फक्त माझी बहीण नाही, माझा परिवार महाराष्ट्राच्या कानाकोपऱ्यात पसरला आहे. मी कधीही मला अमुक द्या असं म्हटलं नाही. संघर्षयात्रेत लोकांनी त्यांची इच्छा व्यक्त केली होती. मला कोणाचं नेतृत्व असणार हे माहीत होतं. मग मंत्रिपदासाठी मी राजीनामा का देईन?

पुढे पंकाजा म्हणाल्या, मी दबाव आणण्यासाठी दिल्लीला गेले, असं अनेकांनी म्हटलं. आता मंत्रिमंडळ स्थापन झालं. शपथविधी झाला. आता मी दबाव निर्माण करून काय करू? प्रीतम मुंडे पूर्णपणे सक्षम असताना त्यांना मंत्री पद नाही मिळाल. भागवत कराडांना मिळाल. माझं वय 42 भागवत कराडांचं वय 65 आहे. 65 वयाच्या माणसाचा अपमान करण्याचे माझे संस्कार नाहीत.

मी सगळं भोगलय. नको ते आरोप-प्रत्यारोप भोगले आहेत. कारण मी कोणालाच भीत नाही, हा माझा प्रॉब्लेम आहे. मी निवडणूकीत हरले असले तरी खचले नाही. जर मी संपले असले तर मला संपवायचे प्रयत्नही संपले असतील. पण माझा प्रवास अजून सुरूच आहे. तसेच नरेंद्र मोदी, अमित शहा हे माझे नेते आहेत असेही त्या म्हणाल्या.