‘मिसेस बेक्टर्स फूड स्पेशालिटीज लि.’ची प्राथमिक समभाग विक्री योजना 15 डिसेंबर रोजी होणार खुली

‘मिसेस बेक्टर्स फूड स्पेशालिटीज लि.’ ही ग्लुकोज-विरहीत बिस्किटे व प्रीमिअम ब्रेड्स क्षेत्रात अग्रगण्य असणारी उत्तर भारतातील कंपनी आहे.

‘मिसेस बेक्टर्स क्रीमिका’ आणि ‘इंग्लिश ओव्हन’ या दोन प्रमुख ब्रॅन्ड्सच्या माध्यमातून ही कंपनी कुकीज, क्रीम्स, क्रॅकर्स व डायजेस्टिव्हज अशा विविध प्रकारच्या बिस्किटांचे उत्पादन व विक्री करते. 

नाविन्यपूर्ण उत्पादने, पॅकेजिंग व गुणवत्तेशी बांधिलकी यांकरीता ‘क्रीमिका’ हा ब्रॅन्ड ओळखला जातो. ग्राहकांच्या बदलत्या आवडी-निवडी आणि त्यांची रुची लक्षात घेऊन ही कंपनी सतत नवीन स्वरुपाची उत्पादने सादर करीत असते.

फिल्लोर, राजपुरा (पंजाब), तहलीवाल (हिमाचल प्रदेश), ग्रेटर नोएडा (उत्तर प्रदेश), खोपोली (महाराष्ट्र) व बंगळुरू (कर्नाटक) येथे या कंपनीची उत्पादन केंद्रे आहेत.

‘क्रीमिका’ची उत्पादन केंद्रे आधुनिक व अति कार्यक्षम तंत्रज्ञानाने, तसेच प्रगत यंत्रसामग्रीने सुसज्ज आहेत. बेकिंगच्या प्रक्रियेसाठी कंपनीने विशेष ‘हायब्रीड ओव्हन्स’ आयात केली आहेत. यामध्ये एकसमान पद्धतीने बेकिंग होऊन पदार्थ करपत नाहीत, त्यामुळे उत्पादनाच्या प्रत्येक बॅचमध्ये समान गुणवत्ता येते.

विविध प्रकारच्या गोड व अगोड चवीच्या श्रेणीतील बेकरी उत्पादने ‘मिसेस बेक्टर्स फूड’ कंपनी बनविते. ‘इंग्लिश ओव्हन’ या ब्रॅन्डखाली रिटेल ग्राहकांसाठी ब्रेड, बन, पिझ्झा बेस, केक आदी उत्पादने बनवून दिल्ली एनसीआर, मुंबई व बंगळुरू येथील प्रीमियम विभागाच्या मागणीची पूर्तता केली जाते.

‘क्रीमिका’ हा ब्रॅन्ड गुणवत्तेशी दृढ बांधिलकी राखणारा आहे; म्हणूनच, प्रीमियम स्वाद आणि पोषण पुरविण्याच्या आमच्या वचनाची पूर्तता करण्यासाठी आम्ही नेहमी काटेकोर पावले उचलतो.

या कंपनीची उत्पादने 60 हून अधिक देशांमध्ये निर्यात होतात. या विविध देशांच्या सरकारी धोरणांनुसार या उत्पादनांची गुणवत्ता व वैशिष्ट्ये राखली जातात.

बिस्किटे आणि बेकरी उत्पादनांच्या किरकोळ बाजारपेठेची सध्याची उलाढाल 450 अब्ज रुपये इतकी आहे. वर्षाला 9 टक्के या गतीने ती पुढील 5 वर्षांत वाढणार आहे. बिस्किटे आणि इतर बेकरी उत्पादने, उदा. रस्क, वेफर्स आणि टी केक यांचा एकूण बाजारात वाटा 400 अब्ज रुपयांचा (89 टक्के इतका) आहे.