बाबा चमत्कार फेम जेष्ठ अभिनेते राघवेंद्र कडकोळ यांचे निधन

पुणे, दि. ४ – झपाटलेला या मराठी चित्रपटातील बाबा चमत्कार या भूमिकेतून घराघरात पोहचलेले जेष्ठ अभिनेते राघवेंद्र कडकोळ यांचे गुरुवारी निधन झाले आहे. ते ८३ वर्षांचे होते.

पुण्यातील राहत्या घरात त्यांनी अखेरचा श्वास घेतला. त्यांच्या पश्चात पत्नी, मुलगी, सून आणि नातवंडे असा मोठा परिवार आहे. त्यांच्या निधनाने चित्रपटसृष्टीमध्ये हळहळ व्यक्त होत आहे.

राघवेंद्र यांनी मराठी चित्रपट, नाटक आणि मालिकांमध्ये काम केले होते. त्यांनी अश्रूंची झाली फुले नाटकात धर्माप्पा ही भूमिका साकारली होती. त्यांची ही भूमिका त्यावेळी विशेष गाजली होती.

त्यांनी ‘ब्लक अँड व्हाईट’, ‘गौरी’, ‘सखी’, ‘कुठे शोधू मी तिला’ या मराठी चित्रपटांमध्ये काम केले. त्यानंतर ‘छोडो कल की बात’ या हिंदी चित्रपटात देखील त्यांनी भूमिका साकारली होती.

बालगंधर्व परिवारतर्फे राघवेंद्र कडकोळ यांना जीवनगौरव पुरस्कार प्रदान करण्यात आला होता.