‘जय गणेश व्यासपीठांतर्गत’ मध्य पुण्यातील २७२ गणेशोत्सव मंडळांतर्फे ‘कोरोना मुक्तीसाठी आरोग्योत्सवाला’ प्रारंभ

क्षेत्रीय कार्यालयाकडून पॉझिटिव्ह पेशंट संदर्भात कॉल आल्यानंतर पुणे मनपाचे प्रतिनिधी रुग्ण ज्या भागातील आहे, त्या भागातील मंडळांच्या प्रतिनिधिंना सूचना देतील. त्या भागातील स्थानिक कार्यकर्त्यांमुळे बाधित रुग्णाची संपूर्ण माहिती त्याच्या संपर्कात आलेल्या इतर सर्व व्यक्तींची माहिती मिळणे सोपे होईल. बाधित रुग्णाच्या घरातील परिस्थिती, त्याला घरीच विलगीकरणाला अनुकूल असेल तर त्याचे घरीच विलगीकरण करण्यास त्यांना कार्यकर्ते प्रोत्साहित करतील. ज्या रुग्णाला खरोखरच हॉस्पिटलमध्ये दाखल करण्याची स्थिती असेल त्यालाच हॉस्पिटल मध्ये दाखल केले जाईल. तसेच या पद्धतीने पेशंटचे कॉन्टेक्ट ट्रेसिंग व होम आयसोलेशन अधिक प्रभावी होणार आहे. प्रातिनिधिक स्वरूपात कसबा-विश्रामबागवाडा या क्षेत्रिय कार्यालयांतर्गत हे काम सुरु होणार आहे. टप्याटप्याने याची व्याप्ती सर्व क्षेत्रीय कार्यालयांतर्गत वाढविण्यात येणार आहे.