आजी केअर तर्फे कल्याणी नगरमध्ये ४९ खाटांच्या सर्वात मोठ्या ‘असिस्टेड लिव्हिंग सेंटर’ चे उद्घाटन
पुणे : मुंबई, पुणे आणि गोवा येथे कार्यरत असलेल्या ज्येष्ठ नागरिकांच्या सेवेसाठी समर्पित आजी केअर या संस्थेने नुकतेच पुण्यातील कल्याणीनगर येथे आपल्या सहाव्या असिस्टेड लिव्हिंग सेंटरचे (निवासी सहाय्यक केंद्र ) आणि पुण्यातील दुसऱ्या केंद्राचे उद्घाटन केले. हे नवीन केंद्र भारतातील वाढत्या ज्येष्ठ नागरिकांच्या लोकसंख्येसाठी संवेदनशील, सर्वसमावेशक आणि सन्मानपूर्वक काळजी घेणारे वातावरण निर्माण करण्याच्या आजी केअरच्या प्रवासातील आणखी एक महत्त्वाचा टप्पा ठरला आहे.
या केंद्राचे उद्घाटन पद्मश्री डॉ. प्रकाश आमटे आणि डॉ. मंदाकिनी आमटे यांच्या हस्ते करण्यात आले. यावेळी प्रसिद्ध हॉटेल व्यावसायिक डॉ. विठ्ठल कामत तसेच लेखक आणि सामाजिक विचारवंत अच्युत गोडबोले यांची प्रमुख उपस्थिती होती. उद्घाटन समारंभाला डॉक्टर, ज्येष्ठ नागरिक, उद्योजक , सामाजिक क्षेत्रातील प्रतिनिधींसह १७५ हून अधिक मान्यवर उपस्थित होते.