पायोनियर फिल-मेड लिमिटेडतर्फे 500 कोटी रु. पर्यंतच्या आयपीओसाठी सेबीकडे डीआरएचपी सादर

पायोनियर फिल-मेड लिमिटेड (“कंपनी”) ही डिझेल-इलेक्ट्रिक आणि इलेक्ट्रिक या दोन्ही प्लॅटफॉर्मवर (स्रोत:1Lattice Report) मजबूत स्थानासह भारतातील रेल्वे आणि मेट्रो साठीची साधने तसेच लोकोमोटिव्ह आणि कोच उपयोजन विभागासाठी संबंधित घटकांची एक प्रस्थापित उत्पादक आणि पुरवठादार कंपनी आहे. कंपनीने 2001 मध्ये रेल्वे आणि ऑटोमोटिव्ह उपयोजन यांसाठी फिल्टर्सच्या उत्पादन आणि पुरवठ्याद्वारे आपले काम सुरू केले आणि त्यानंतर लोकोमोटिव्हसाठी ट्रॅक्शन मोटर्स, अल्टरनेटर, ब्रेक डिस्क्स, गँगवे, स्टेटर्स आणि रोटर्स, मेट्रोसाठी प्लॅटफॉर्म स्क्रीन डोअर्स, विंड जनरेटर्स तसेच संबंधित सेवांच्या उत्पादन आणि पुरवठ्यात विविधता आणली आहे.

पायोनियर फिल-मेड लिमिटेडने बाजार नियामक सिक्युरिटीज अँड एक्स्चेंज बोर्ड ऑफ इंडिया (“सेबी”) कडे आपला ड्राफ्ट रेड हेरिंग प्रॉस्पेक्टस (“डीआरएचपी”) दाखल केला आहे. कंपनी एकत्रितपणे 5000 दशलक्ष रु. (500 कोटी रु.) पर्यंत (“एकूण इश्यू आकार”) एकूण ऑफर साईजच्या (प्रत्येकी 1 रु. दर्शनी मूल्य) इक्विटी शेअर्सच्या प्राथमिक समभाग विक्रीद्वारे निधी उभारण्याची योजना आखत आहे.

या ऑफरमध्ये 2500 दशलक्ष रु. (250 कोटी रु.) पर्यंतच्या इक्विटी शेअर्सचे फ्रेश इश्यू (“फ्रेश इश्यू”) आणि विक्री करणाऱ्या भागधारकांकडून 2500 दशलक्ष रु. (250 कोटी रु.) पर्यंतच्या इक्विटी शेअर्सची विक्री ऑफर (“ऑफर फॉर सेल”) यांचा समावेश आहे.

कंपनीने या ऑफरमधून मिळणाऱ्या निव्वळ उत्पन्नाचा उपयोग पुढीलप्रमाणे करण्याचा प्रस्ताव ठेवला आहे: (i) भारतातील राजस्थान राज्यातील भिवाडी येथील सालारपूर येथे गिअर बॉक्स उत्पादन सुविधा केंद्र उभारण्यासाठीच्या खर्चाचा अंशतः वित्तपुरवठा आणि सर्वसाधारण कॉर्पोरेट उद्देश; (ii) भारतातील राजस्थान राज्यातील भिवाडी येथील सालारपूर येथे विंड जनरेटर घटक उत्पादन सुविधा केंद्र उभारण्यासाठीच्या खर्चाचा अंशतः वित्तपुरवठा; आणि (iii) सर्वसाधारण कॉर्पोरेट उद्दिष्टांसाठी

2023 मध्ये, पायोनियर फिल-मेडने धोरणात्मकदृष्ट्या आपल्या व्यवसायाचे विविधीकरण करत, रेल्वे आणि ऑटोमोटिव्ह विभागांच्या पलीकडे जाऊन अक्षय ऊर्जा क्षेत्रात विंड जनरेटर्सच्या उत्पादन आणि पुरवठ्याची सुरुवात केली. भारताच्या अक्षय ऊर्जा बाजारपेठेतील मजबूत संरचनात्मक वाढीचा लाभ घेत कंपनी पवन ऊर्जा क्षेत्रात विस्तारक्षम आणि शाश्वत उत्पादन प्लॅटफॉर्म उभारण्याचे उद्दिष्ट ठेवते. यासाठी राष्ट्रीय डीकार्बनायझेशन उद्दिष्टे, एकूण ऊर्जा विभागात अक्षय ऊर्जेचा वाढता वाटा, पवन ऊर्जेचा घटता स्तरित खर्च, तसेच भारतीय मानक ब्युरोने निर्धारित केलेले मापदंड आणि भारत सरकारच्या नवीन आणि अक्षय ऊर्जा मंत्रालयाच्या मान्यताप्राप्त मॉडेल्स आणि उत्पादक यादीच्या चौकटीसह अनुकूल नियामक आणि धोरणात्मक चौकट यांचे पाठबळ आहे (स्रोत: 1Lattice Report).

नुवामा वेल्थ मॅनेजमेंट लिमिटेड आणि इक्विरस कॅपिटल प्रायव्हेट लिमिटेड हे या इश्यूचे बुक रनिंग लीड मॅनेजर्स (BRLMs) आहेत.