कोरोना – राज्यात शुक्रवारी ५८ हजार ९९३ नवीन रुग्ण, ३०१ जणांचा मृत्यू
मुंबई, दि. ९ – महाराष्ट्रात कोरोनाबाधित रुग्णांच्या संख्येत दिवसागणिक चढ-उतार पाहायला मिळत आहे. गुरुवारी राज्यात ५६ हजार २८६ नव्या कोरोनाबाधितांची नोंद झाली होती. परंतु, शुक्रवारी पुन्हा हा आकडा वाढलेला दिसला. शुक्रवारी राज्यात ५८ हजार ९९३ नवीन कोरोनाबाधित रुग्णांची नोंद झाली. राज्यात आता एकूण कोरोनाबाधितांची संख्या ३२ लाख ८८ हजार ५४० झाली असून राज्यात सध्या ५ लाख ३४ हजार ६०३ अॅक्टिव्ह रुग्ण आहेत. आजपर्यंत तपासण्यात आलेल्या २,१६,३१,२५८ प्रयोगशाळा नमुन्यांपैकी ३२,८८,५४० (१५.२ टक्के) नमुने पॉझिटिव्ह आले आहेत. सध्या राज्यात २६,९५,०६५ व्यक्ती होम क्वारंटाईनमध्ये असून २४,१५७ व्यक्ती संस्थात्मक क्वारंटाईनमध्ये आहेत.
शुक्रवारी राज्यात ३०१ जणांचा कोरोनामुळे मृत्यू झाला. सध्या राज्यातील मृत्यूदर १.७४ टक्के इतका आहे. आतापर्यंत एकूण ५७ हजार ३२९ जणांचा कोरोनामुळे मृत्यू झाला आहे. तसेच शुक्रवारी ४५ हजार ३९१ रुग्ण बरे होऊन घरी परतले. राज्यात आजपर्यंत एकूण २६ लाख ९५ हजार १४८ कोरोनाबाधित रुग्ण बरे झाले आहेत. त्यामुळे राज्यातील रुग्ण बरे होण्याचे प्रमाण (रिकव्हरी रेट) ८१.९६ टक्के इतके आहे.
मुंबईत गुरुवारच्या तुलनेत शुक्रवारी कोरोनाबाधितांचा आकडा वाढलेला दिसला. शुक्रवारी मुंबईमध्ये ९२०२ नव्या कोरोनाबाधितांची नोंद झाली. त्यामुळे आता एकूण रुग्णसंख्या ५ लाख ०१ हजार १८२ इतकी झाली आहे. तसेच शुक्रवारी कोरोनामुळे ३५ जणांचा मृत्यू झाला. मुंबईत आतापर्यंत एकूण ११ हजार ९१६ कोरोनाबाधितांचा मृत्यू झाला आहे.
पुणे शहर अपडेट्स
- दिवसभरात ५६४७ पाझिटिव्ह रुग्णांची वाढ.
- दिवसभरात ४५८७ रुग्णांना डिस्चार्ज.
- पुण्यात करोनाबाधीत ५१ रुग्णांचा मृत्यू. ०७ रूग्ण पुण्याबाहेरील.
- १००३ क्रिटिकल रुग्णांवर उपचार सुरू आहेत.
- पुण्यात एकूण पॉझिटिव्ह रूग्णसंख्या ३१८०२९.
- पुण्यातील ॲक्टिव्ह रुग्ण संख्या- ४९९५५.
- एकूण मृत्यू -५६५४.
-आजपर्यंतच एकूण डिस्चार्ज २६२४२०. - आज केलेल्या नमुन्यांची (स्वॅब) तपासणी- २७९८६.