अखिल भारतीय खुल्या फिडे क्लासिकल रेटिंग बुद्धिबळ स्पर्धेत आठव्या फेरीअखेर पुण्याचा आदित्य सामंत आघाडीवर 

अश्वमेध हॉल, पुणे येथे सुरू असलेल्या या स्पर्धेत आठव्या फेरीत पुण्याच्या फिडे मास्टर आदित्य सामंतने गुजरातच्या अनादकत कर्तव्याचा 34 चालींमध्ये पराभव करून विजय मिळवला. 15 वर्षीय आदित्य हा अभिनव विद्यालय इंग्लिश मीडियम शाळेत 10वी इयत्तेत शिकत आहे. तर, रेल्वेच्या विक्रमादित्य कुलकर्णीने महाराष्ट्राच्या पियुश नर्सिकरचा पराभव करून 7गुण मिळवले. नागपूरच्या फिडे मास्टर सौरव खेर्डेकरने गुजरातच्या विश्रुत पारेखचा पराभव करून 7 गुणांची कमाई केली. महिला ग्रँड मास्टर डब्लूजीएम स्वाती घाटे व अक्षय बोरगावकर यांच्यातील सामना बरोबरीत सुटला.