जम्बो कोविड सेंटरच्या अनागोंदी कारभाराचा खुलासा करा- शिवसंग्रामची मागणी

भरत लगड म्हणाले, जम्बो कोविड सेंटरमुळे पुणे व परिसरातील कोरोनारुग्णांची फार मोठी सोय होईल, अशी अपेक्षा होती. पण आजपर्यंतचा अनुभव पाहता पुणेकरांचा पूर्णपणे भ्रमनिरास झाला आहे. कोटयावधी रुपये खर्च करुन उभारलेले हे सेंटर प्रत्यक्ष शासकीय यंत्रणेद्वारे न चालवता एका बेजबाबदार खासगी संस्थेला चालवायला दिले, ही चूक देखील उघड झाली आहे. ही रक्कम पूर्वीपासून सुरु असलेल्या सेंटरला दिली असती, तर तेथील रुग्णसंख्या व वैद्यकीय सेवा वाढविता आली असती. त्यामुळे या अनागोंदी कारभाराचा शासनाने खुलासा करावा, अशी मागणी त्यांनी केली.