Day: September 11, 2020

कोरोना उद्रेकानंतर जाहीर झालेल्या लॉकडाऊनच्या काळामध्ये जीवाची पर्वा न करता आपल्या कार्याच्या माध्यमातून अविश्रांत सेवा करणाऱ्या डॉक्टर्स, पोलीस अधिकारी यांसह जनसामान्य कोविड योद्ध्यांचा राज्यपाल भगत सिंह कोश्यारी यांच्या हस्ते राजभवन येथे सत्कार करण्यात आला.

विस्तारित मुंबई शहराच्या मध्यभागी असलेल्या आरे जंगलाला आज पर्यावरण व पर्यटन मंत्री आदित्य ठाकरे यांनी भेट दिली. आरे येथील जी ६०० एकर जागा जंगल म्हणून घोषित केली आहे. त्या जागेतील युनिट ४, २१ व २२ ला त्यांनी भेट दिली.

नागपूर जिल्ह्यातील कोरोनाबाधितांची संख्या पुढील काही दिवसात आणखी वाढण्याची शक्यता आहे. त्यामुळे शहराच्या व जिल्ह्याच्या आरोग्याच्या दृष्टीने आणीबाणीच्या परिस्थितीत सर्वोच्च आरोग्य सुविधा देण्याची जबाबदारी आमची सर्वांची आहे. त्यासाठी प्रशासन, पोलीस, आरोग्य, महापालिका या सर्व यंत्रणांनी नियोजनपूर्वक एकछत्री अंमलात जबाबदारीने काम करण्याचे निर्देश ऊर्जा मंत्री डॉ.नितीन राऊत यांनी आज दिले.

केंद्र शासनाने आज जाहीर केलेल्या राज्यांच्या स्टार्टअप क्रमवारीमध्ये महाराष्ट्राने ‘नेतृत्व’ श्रेणीमध्ये (लिडर्स) देशात दुसरा क्रमांक पटकाविला आहे. याशिवाय राज्याला स्टार्टअप सुधारणांच्या श्रेणींमध्ये अन्य तीन स्थान मिळाली आहेत.

शिवसेना नेते आणि खासदार संजय राऊत यांना धमकीचा फोन करणाऱ्या एका व्यक्तीला कोलकाता पोलिसांच्या मदतीने मुंबई पोलिसांनी कोलकाता मधून अटक केली.

कंगना रनौत नंतर तिच्या आईने देखील शिवसेनेवर टीका केली आहे. शिवसेना भेकड अन् घाबरट आहे असं म्हणत कंगनाच्या आईने शिवसेनेवर हल्लाबोल केला आहे. यावेळी त्यांनी कंगनाच्या जीवाला धोका असल्याचा दावा देखील एका वृत्तसंस्थेला दिलेल्या मुलाखतीत त्यांनी केला.

पुणे विभागातील 2 लाख 27 हजार 117 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 3 लाख 7 हजार 667 झाली आहे. तर ॲक्टीव रुग्ण संख्या 72 हजार 563 इतकी आहे. कोरोनाबाधीत एकुण 7 हजार 987 रुग्णांचा मृत्यू झाला असून मृत्यूचे प्रमाण 2.60 टक्के आहे. पुणे विभागामध्ये बऱ्या होणा-या रुग्णांचे प्रमाण 73.82 टक्के आहे,

भारतीय स्वातंत्र्याच्या चळवळीत महात्मा गांधींनी १९४२ मध्ये ब्रिटिशांविरूद्ध ‘भारत छोडो’ आंदोलन सुरू केले. त्यावेळी त्यात लहानथोरांपासून अनेकांचा समावेश होता. नंदुरबारमधील १५ वर्षीय बालक्रांतिकारक ‘शिरीषकुमार मेहता’ यांनी देखील या चळवळीत हौतात्म्य पत्करले. त्यांच्या हौतात्म्याच्या स्मृती जागवणारा ‘शहीद शिरीषकुमार’ हा मराठी चित्रपट भावेश प्रोडक्शन्सतर्फे तयार केला जाणार आहे.

‘कीर्तीचे गायन म्हणजे कीर्तन ,मनोरंजनाबरोबर प्रबोधन देखील कीर्तन या माध्यमातून केले जाते.  ताल ,लय ,ठेका यामागे गणित आहे. आयुष्याचे ,जबाबदारीचेही गणित लक्षात घ्यावे लागते . दिवसाचे गणित मांडावे लागते. ते समजून घेण्यासाठी गणिताचे मानस आपल्याला तयार करावे लागेल,असे प्रतिपादन  कीर्तनकार चारुदत्त आफळे यांनी केले.

रोटरी क्लब ऑफ पुणे सनराईज’ द्वारे आयोजित ‘गणेश मुर्ती निर्मिती’ स्पर्धेमध्ये अवनी वडपल्लीचा प्रथम क्रमांक आला,ओम भावसारचा द्वितीय क्रमांक आला.या स्पर्धेचा पारितोषिक वितरण समारंभ नुकताच पार पडला

माझ्या चित्रपटात लोककलेचा मोठा भाग असतो. अभंग, गोंधळ, जोगवा अनेक गाजलेली गीते ही लोककलेचा आधार आहेत. चित्रपटांमध्ये लोककलांचा समावेश करण्याचे महत्त्वाचे कारण हेच आहे की, चित्रपटातून येणाऱ्या गोष्टींना ग्लॅमर असते आणि त्याचा प्रसार वेगाने होतो. म्हणून लोककला चित्रपटात घेतली जाते. लोककलेचा प्रसार करण्यासाठी चित्रपट हे चांगले माध्यम आहे. असे मत दिग्दर्शक दिग्पाल लांजेकर यांनी व्यक्त केले.